ایرانی صدر ابراہیم رئیسی پاکستان کے 3 روزہ دورے کے بعد واپس ایران روانہ

اسلامی جمہوریہ ایران کے صدر ابراہیم رئیسی پاکستان کے 3 روزہ دورے کے بعد واپس وطن روانہ ہوگئے، کراچی ایئرپورٹ پر وزیراعلیٰ سندھ، گورنر سندھ و دیگر نے انہیں الوداع کیا۔

قبل ازیں اسلامی جمہوریہ ایران کے صدر ابراہیم رئیسی منگل کے روز سہ پہر کراچی پہنچے، گورنر کامران ٹیسوری اور وزیراعلی مراد علی شاہ نے ان کا استقبال کیا، جہاں استقبال کرنے والوں میں آصفہ بھٹو، صوبائی وزراء عذرا پیچوہو، شرجیل انعام میمن اور ناصر حسین شاہ ، سعید غنی ، سردار شاھ بھی اس موقع پر موجود تھے۔

ایرانی صدر ایئرپورٹ پہنچے ایرانی صدر وہاں سے گورنر ہاؤس پہنچے، بعدازاں انہوں نے مزار قائد پر حاضری دی۔

گورنر ہاؤس سے ایرانی صدر مزار قائد پہنچے جہاں انہوں نے مزار پر پھولوں کی چادر چڑھائی اور کتاب میں تاثرات قلم بند کیے۔

پاکستان پیپلز پارٹی کےچیئرمین بلاول بھٹو زرداری نے بھی وزیر اعلیٰ ہاؤس سندھ میں ایران کے صدر ابراہیم رئیسانی سے ملاقات کی۔

ملاقات میں پاکستان اور ایران کے تعلقات اور دیگر امور پر تبادلہ خیال کیا گیا۔ملاقات میں وزیراعلیٰ سندھ مراد علی شاہ اور دیگر بھی اس موقع پر موجود تھے۔

مزید خبروں کیلئے وزٹ کریں