افتخار افی کی پہلی کتاب ’’چکڑ چھولے‘‘کی بارسلونا میں تقریب رونمائی

سپین کے شہر بارسلونا میں پاکستان فورم سپین کے زیر اہتمام نامور اداکار ،لکھاری شاعر افتخار افی کی کتاب چکڑ چھولے کی تقریب رونمائی ہوئی، صدر پاکستان فورم سپین سید ذوالقرنین شاہ نے اس تقریب کی صدارت کی۔ جبکہ مہمان خصوصی پاکستان کے نامور اداکار ،لکھاری شاعر افتخار افی اور اداکارہ عائشہ عمر تھے۔ افتخار افی کی پہلی کتاب چکڑ چھولے کو سپین کے شہر بارسلونا میں بہت سراہا گیا۔

مقررین نے اپنے خطاب میں کہا کہ افتخار افی کی تحریریں انسانی جذبات کی عکاس ہیں اور دل میں گھر کر لیتی ہیں۔ان کا کہنا تھا کہ چکڑ چھولے میڈ ان پاکستان ضرور ہے مگر اس کتاب کا مخاطب پوری انسانیت ہے چکڑ چھولے سے بابا اشفاق احمد کی خوشبو آتی ہے،

افتخار افی اپنے خطاب کے دوران فرط جذبات سے رو پڑے ان کا کہنا تھا کہ جو پیار اور مان مجھے بارسلونا میں ملا ہے وہ اسے کبھی نہیں بھولیں گے،

ان کا کہنا تھا کہ چکڑ چھولے بابا جی اشفاق احمد کے افکار کا تسلسل ہے، اور یہ زندگی گزارنے کی ریسیپی ہے، افتخار افی کا کہنا تھا کہ پاکستان فورم سپین نے مجھے عزت دے کر پاکستان کے وقار میں اضافہ کیا ہے ، اس تقریب میں سپین کے ادیب شاعر صحافی اور نثر نگاروں نے بڑی تعداد میں شرکت کی، اور چکڑ چھولے کو ایک کامیاب کاوش قرار دیا،

افتخار افی کا کہنا تھا کہ وہ اس تقریب کو ہمیشہ یاد رکھیں گے، افتخار افی نے سید ذوالقرنین شاہ کا خصوصی شکریہ ادا کیا،

تقریب کا آغاز تلاوت قرآن پاک اور نعت رسول مقبول سے ہوا جبکہ نظامت کے فرائض مرزا ندیم بیگ نے ادا کیے۔