سیاست دان اور این جی اوز اپنی سمت درست کرلیں، ورنہ بڑے طرم خان رگڑ دیے جائیں گے، فیصل واوڈا

سینیٹر فیصل واوڈا نے خبردار کیا ہے کہ ملک مخالف سرگرمیوں میں ملوث سیاست دان، این جی اوز اور دیگر عناصر اپنی سمت درست کر لیں، ورنہ بڑے بڑے طرم خان رگڑ دیے جائیں گے۔

سماجی رابطے پر اظہار خیال

سماجی رابطے کی سائٹ ’ایکس‘ پر اپنے پیغام میں فیصل واوڈا نے کہا کہ پاکستان کی ترقی کا جو تسلسل جاری ہے اس میں کسی کو بھی رکاوٹ ڈالنے کی اجازت نہیں دی جائے گی۔ ان کا کہنا تھا کہ امید ہے سب لوگ میری بات کو صحیح طرح سمجھ رہے ہیں۔

افواجِ پاکستان کو کمزور کرنے کی کوششیں

فیصل واوڈا نے الزام عائد کیا کہ سیاست دان، این جی اوز اور دیگر عناصر ہمیشہ افواج پاکستان کو کمزور کرنے کی کوشش کرتے رہے ہیں۔ ان کے مطابق ذاتی مفادات کے حصول کے لیے یہ گھناؤنی سازشیں کی جاتی رہی ہیں، مگر کامیاب نہیں ہو سکیں۔

دہشت گردی کی بڑی سازش ناکام

انہوں نے انکشاف کیا کہ ایک بار پھر فیلڈ مارشل کی قیادت میں افواج پاکستان نے ملک کو بڑی دہشت گردی سے بچا لیا ہے۔ فیصل واوڈا کا کہنا تھا کہ اس سازش کے حوالے سے مزید تفصیلات جلد عوام کے سامنے لائی جائیں گی۔