جنرل ساحر شمشاد مرزا کے اعزاز میں الوداعی تقریب، 40 سالہ عسکری خدمات کو خراجِ تحسین

جوائنٹ اسٹاف ہیڈکوارٹرز میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا کے اعزاز میں الوداعی تقریب کا انعقاد کیا گیا، جس میں ان کی چار دہائیوں پر مشتمل عسکری خدمات کو بھرپور خراجِ تحسین پیش کیا گیا۔

 خدمات کا اعتراف

آئی ایس پی آر کے مطابق تقریب میں سابق چیئرمین جوائنٹ چیفس آف اسٹاف کمیٹی سمیت سینئر فوجی افسران نے شرکت کی۔شرکاء نے جنرل ساحر شمشاد مرزا کی 40 سالہ خدمات کو ملک و قوم کے لیے قابلِ فخر اثاثہ قرار دیا۔

قربانیوں کو خراجِ عقیدت

تقریب سے خطاب میں جنرل ساحر شمشاد مرزا نے اللہ تعالیٰ کا شکر ادا کیا کہ انہیں فرائض احسن انداز میں ادا کرنے کی توفیق ملی۔انہوں نے مادرِ وطن کے دفاع میں مسلح افواج کی قربانیوں کو زبردست خراجِ عقیدت پیش کیا۔

قومی سلامتی

جنرل ساحر شمشاد مرزا کا کہنا تھا کہ موجودہ جیو اسٹریٹجک حالات میں مضبوط دفاع قومی سلامتی کا بنیادی ستون ہے۔انہوں نے کہا کہ قوم کا دفاع ناقابلِ تسخیر ہے اور افواجِ پاکستان اپنی صلاحیتوں کو مزید مستحکم کرنے کے لیے تیار ہے۔

گارڈ آف آنر

ترجمان پاک فوج کے مطابق تقریب میں جنرل ساحر شمشاد مرزا کے اعزاز میں سمارٹ ٹرائسروسز گارڈ آف آنر بھی پیش کیا گیا، جسے شرکاء کی جانب سے بے حد سراہا گیا۔