کورونا وباء کے باعث 61 اقسام کے طبی آلات کی درآمدات پر سیلز ٹیکس ختم

اسلام آباد: ملک بھر میں کورونا وباء کے پھیلاؤ کے خدشات پر متعلقہ طبی آلات کی قیمتوں میں ہوشربا اضافے کے اثرات کو زائل کرنے کے لیے 61 اقسام کے طبی آلات کی درآمدات پر سیلز ٹیکس ختم کردیا۔

وفاقی وزارت خزانہ کی جانب سے جاری سیلز ٹیکس کے خاتمے کا نوٹی فکیشن کے مطابق جن طبی آلات کی درآمدات پر سیلز ٹیکس معاف کیا گیا ہے ان میں ریئل ٹائم پی سی آر سسٹم، پی سی آر کیبنٹ اور ادویات کے ریفریجریٹرز شامل ہیں جب کہ کورونا کی ریئل ٹائم پی سی آر کٹ پر بھی سیلز ٹیکس ختم کردیا گیا۔

نوٹی فکیشن کے مطابق آئی سی یو مانیٹرز، ای سی جی مشین، موبائل ایکسرے مشین کی درآمد پر سیلز ٹیکس ختم کرنے سمیت آکسیجن ریکوری کٹ پر بھی سیلز ٹیکس کا خاتمہ کر دیا گیا ہے۔