پاکستان ایف اے ٹی ایف کی گرے لسٹ میں رہے گا یا نہیں، فیصلے کی گھڑی آن پہنچی

اسلام آباد: فنانشل ایکشن ٹاسک فورس (ایف اے ٹی ایف) کا پانچ روزہ اجلاس 16 فروری سے پیرس میں شروع ہو گا۔پاکستان  کو  گرے  لسٹ میں  رکھنے یا نکالنے سے متعلق حتمی فیصلہ کیا جائے گا۔

16 فروری کودنیا کے 39 ممالک پیرس میں سرجوڑ کر بیٹھیں گے، فنانشل ایکشن ٹاسک فورس کے پانچ روزہ اجلاس میں اس بات کا جائزہ لیا جائےگا کہ پاکستان نے ایف اے ٹی ایف کے27 اہداف پرکتنی پیش رفت کی۔ ذرائع کے مطابق  پاکستان  کی  اب تک کی کارکردگی  تسلی  بخش رہی  اور بیشتر اہداف پر عملدرآمد  کویقینی بنایا گیا۔

پاکستان نے منی لانڈرنگ اوردہشت گردوں کی فنڈنگ روکنے کے لیے ٹھوس اقدامات  کیے جس کا عالمی سطح پر اعتراف کیا گیا۔ ذرائع کےمطابق چین، انڈونیشیا، ملائیشیا، ترکی، متحدہ عرب امارات اور برطانیہ پاکستان کا نام گرے لسٹ سے نکالنے کے بھرپورحامی ہیں۔