اسٹاک ایکسچینج میں شدید مندی، 100 انڈیکس پانچ سال کی کم ترین سطح پر آ گیا

کراچی: دنیا بھر میں تباہی مچانے والے کورونا وائرس نے پاکستان میں بھی ہر شعبے کو متاثر کیا ہے، عالمی وباء کے باعث پاکستان اسٹاک ایکسچینج مسلسل گرواٹ کا شکار ہے کے ایس ای 100 انڈیکس پانچ سال کی کم ترین سطح پر پہنچ گیا۔

کورونا وائرس کے باعث پاکستان اسٹاک ایکسچینج پر چھائے شدید مندی کے بادل مزید گہرے ہوتے جارہے ہیں اور 100 انڈیکس 5 سال کی کم ترین سطح پر پہنچ گیا ہے۔جمعرات کو کاروباری سرگرمیوں کا آغاز ہوا تو کے ایس ای ہنڈریڈ انڈیکس 30 ہزار 416 کی سطح پر موجود تھا۔

کاروبار کے آغاز کے ساتھ ہی مارکیٹ کریش ہوگئی، 100 انڈیکس میں ایک ہزار 752 پوائنٹس کی کمی ہونے پر کاروبارمعطل کردیا گیا۔ کاروبار دوبارہ شروع ہونے کے بعد بھی انڈیکس میں مسلسل اتار چڑھاؤ کا سلسلہ جاری ہے۔

واضح رہے کہ گزشتہ 4 کاروباری دنوں میں ہنڈریڈ انڈیکس میں 7 ہزار 200 سے زائد پوائنٹس کی کمی ہوئی ہے۔ انڈیکس 5 سال کی کم ترین سطح پر آگیا ہے۔