ایف بی آر کا مبینہ ٹیکس چوری میں ملوث بڑی شوگر ملزم کیخلاف تحقیقات کا فیصلہ

اسلام آباد:  فیڈرل بورڈ آف ریونیو (ایف بی آر) نے مبینہ ٹیکس چوری میں ملوث بڑی شوگر ملز کے خلاف تحقیقات کا فیصلہ کرلیا۔

فیڈرل بورڈ آف ریونیو نے مبینہ ٹیکس چوری میں ملوث بڑی شوگرملز کے خلاف تحقیقات شروع کرنے کے لئے انسداد بے نامی ڈیپارٹمنٹ کو سرگرم کر دیا ہے، جو شوگر ملز کی جانب سے سیلز ٹیکس چوری کی غرض سے کی گئی بے نامی ٹرانزیکشنز کا سراغ لگا کر تحقیقات کرے گا۔

ذرائع کے مطابق انسداد بے نامی زونز بے نامی ٹرانزیکشنز کے شواہد اکٹھے کرکے تحقیقاتی رپورٹس کی بنیاد پر ذمہ دار عناصر کا تعین کریں گے اور ذمہ دار عناصر کے خلاف ایڈجوڈیکیٹنگ اتھارٹی کے پاس ریفرنس دائر کیے جائیں گے۔