زرعی ترقیاتی بینک لمیٹڈ اور لمز کےدرمیان ڈیجیٹل زرعی خدمات کیلئے مفاہمت کی یاداشت پر دستخط

زرعی ترقیاتی بینک لمیٹڈ اور لینڈ انفارمیشن مینجمنٹ سسٹم نے بدھ کے روز زرعی خدمات کی ڈیجیٹلائزیشن کے لیے ہاتھ ملایا جو کسانوں کو ان کی متعلقہ زمینوں سے متعلق زراعت کے بارے میں تفصیلی اور تازہ ترین معلومات حاصل کرنے کے لیے بااختیار بنائے گا۔

مفاہمت پر دستخط لمز ہیڈ کوارٹرز میں منعقد ایک تقریب میں زرعی ترقیاتی بینک لمیٹڈ کے صدر/سی ای او طاہر یعقوب بھٹی اور ڈائریکٹر جنرل سٹریٹیجک پراجیکٹس میجر جنرل شاہد نذیر کے درمیان ہوئے۔

لمز کے پورٹل زرعی ترقیاتی بینک لمیٹڈ موبائل کریڈٹ آفیسر (MCO) کے ذریعے، صارفین اور کسان قابل قدر خدمات تک رسائی حاصل کریں گے جن میں موسمیاتی تبدیلی کی معلومات، سیٹلائٹ فصل کی نگرانی، پانی کی آبپاشی کی تفصیلات، کھاد کی ضروریات، کیڑے مار ادویات ایریاز، منڈیوں تک براہ راست رسائی، زمین کی حالت شامل ہیں۔ اور زمین کی پچھلے دس سال کے حالات کے بارے میں معلومات فراہم کرے گا ملک میں یہ اپنی نوعیت کی پہلی مفاہمت ہے جس کا مقصد کاشتکاروں کو مضبوط بنانا ہے خاص طور پر کاشتکاروں کو جدید اور سائنسی کاشتکاری کی طرف راغب کرنے کے علاوہ تازہ ترین اور درست معلومات حاصل کرنا جو ملک کی معیشت میں اہم کردار ادا کرے گی۔

طاہر یعقوب بھٹی، صدر/سی ای او زرعی ترقیاتی بینک لمیٹڈ نے اس موقع پر کہا کہ زراعت ہماری ثقافت ہے۔ یہ مستقبل ہے اور ہمیں اپنے کسانوں کو جدید زرعی ڈیجیٹل ٹیکنالوجی سے آراستہ کرنا چاہیے اور پیداواری صلاحیت کو بڑھانے اور جی ڈی پی میں حصہ ڈالنا چاہیے،”۔مزید ان کا کہنا تھا کہ لمز نے ایک ڈیجیٹل پلیٹ فارم متعارف کرایا ہے جس میں زراعت کے روایتی انداز کو جدید اور سائنسی کاشتکاری میں تبدیل کرنے کی روشن صلاحیت موجود ہے۔

میجر جنرل شاہد نذیر، ڈائریکٹر جنرل اسٹریٹجک پروجیکٹس نے کہا کہ آج کا دن ایک تاریخی دن ہے اور مجھے یقین ہے کہ زرعی ترقیاتی بینک لمیٹڈ ایک اہم زرعی فنانسنگ بینک ہونے کے ناطے لمز پورٹل کو اس حد تک استعمال کر سکتا ہے جو پاکستان میں غذائی تحفظ کے مسائل پر قابو پائے گا۔

مزید خبروں کیلئے وزٹ کریں