پاک سوزوکی موٹر نے راوی اور بولان پک اپ گاڑیوں کی قیمتیں بڑھا دیں

کراچی: پاک سوزوکی موٹر کمپنی لمیٹڈ نے راوی اور بولان پک اپ گاڑیوں کی قیمتوں میں 35 ہزار روپے تک کا اضافہ کر دیا ہے۔

اس اضافے کے بعد بولان وی ایکس آئی ایم کی قیمت 11 لاکھ 34 ہزار، بولان کارگو کی 10 لاکھ 75 ہزار اور راوی ایس ٹی ڈی آئی ایم کی قیمت 10 لاکھ 34 ہزار ہوگئی ہے۔ کمپنی کی جانب سے ڈیلر کو گاڑیوں کی قیمتوں میں اضافے سے آگاہ تو کر دیا گیا ہے تاہم اس اضافے کی کوئی وجہ نہیں بتائی گئی۔

انڈس موٹرکمپنی نے مالی سال 2020 میں ٹیکس کے بعد 5 ارب 8 کروڑ روپے کا منافع ظاہر کیا جو گزشتہ برس کے مقابلے 63 فیصد کم ہے۔کمپنی کے مطابق مالی سال 2020 میں گاڑیوں کی خریداری ایک کھرب 58 ارب روپے سے 46 فیصد کمی کے بعد 84 ارب روپے تک رہ گئی۔

کمپنی حکام کے مطابق گزشتہ مالی سال میں ٹویوٹا سی کے ڈی، سی بی یو کے 66 ہزار 211 یونٹس فروخت کیے گئے تھے جبکہ گزشتہ برس یہ تعداد 28 ہزار 837 تھی۔ اس کے علاوہ کمپنی کے بورڈ آف ڈائریکٹر نے فی حصص 7 روپے منافع دینے کا اعلان کیا تھا یعنی اس سال ایک گاڑی پر سالانہ 30 روپے کی ادائیگی کی گئی۔