بغیرامتحانات طلبہ پروموشن۔۔بورڈز نےحتمی رائے کیلئے وزارت سے وقت مانگ لیا

اسلام آباد: طلبہ کو بغیر امتحانات پروموٹ کرنے کا لائحہ عمل تشکیل نہ پا سکا،وزارت ‏تعلیم نے سفارشات طلب کیں تو بورڈز نے حتمی رائے دینے کیلئے وقت ‏مانگ لیا۔

کورونا وائرس کی وباء کے دوران امتحانات کے بغیر طلبہ کو پروموٹ کرنے سے متعلق اہم اجلاس وزارت تعلیم و تربیت اسلام آباد میں ‏ہوا، جس میں تمام بورڈز کے چیئرمین نے ویڈیو لنک کے ذریعے شرکت کی،وزارت ‏تعلیم نے بورڈز سے سفارشات طلب کیں تو بورڈز نے حتمی رائے دینے کیلئے وقت ‏مانگ لیا۔

دوسری جانب وفاقی وزیرشفقت محمود نے اپنے ایک بیان میں کہا ہے کہ جمعہ تک ‏تمام امور پر ایک جامع اعلان کردیا جائے گا، تمام بورڈ کے ‏امتحانات منسوخ ہیں، اس میں کوئی ابہام نہیں ہے، اسی ‏فیصد طلبہ کو امتحانات منسوخ کرنے پر کوئی اعتراض نہیں۔