موڈرنا ویکسین کورونا وائرس کی نئی قسم کے خلاف بھی مؤثر

بین الاقوامی خبر رساں اے ایف پی کے مطابق کورونا ویکسین بنانے والی کمپنی موڈرنا نے کہا ہے کہ لیبارٹری ٹیسٹس سے ثابت ہوا کہ موڈرنا کی تیار کردہ کورونا ویکسین نئی قسم کے وائرس کے خلاف بھی مؤثر ہو گی۔ لیکن کمپنی نے احتیاط برتتے ہوئے جنوبی افریقہ اوربرطانیہ میں سامنے آنے والی وائرس کی نئی قسم پر تجربات شروع کر دیے ہیں۔موڈرنا کے سربراہ سٹیفن بانسل کا کہنا ہے کہ ان تجربات کی بنیاد پر سامنے آنے والے ڈیٹا سے ظاہر ہوتا ہے کہ موڈرنا کی ویکسین نئے قسم کے وائرس کا بھی مقابلہ کر سکتی ہے۔

حالیہ ویکسین کے اثرات پر جاری تحقیق ’ایم آر این اے 1273‘ کے تحت موڈرنا کمپنی نے اان آٹھ افراد کے خون کے نمونے لیے ہیں جن کو ویکسین کی دو خوراکیں لگائی جا چکی ہیں۔ برطانیہ میں سامنے آنے والی وائرس کی نئی قسم اینٹی باڈیز کو غیر مؤثر نہیں کرتی جو ویکسین لگانے سے جسم میں پیدا ہوتے ہیں اور کورونا وائرس کو انساانی خلیوں میں داخل ہونے سے روکتے ہیں

جنوبی افریقہ میں سامنے آنے والی وائرس کی نئی قسم سے ظاہر ہوا ہے کہ یہ اینٹی باڈیز کے اثرات کو کو چھ گنا غیر مؤثر کر دیتی ہے۔قومی صحت کے اداروں کے اشتراک سے کی گئی اس تحقیق کے نتائج تک تمام سائنسی کمیونٹی کو رسائی حاصل ہے تاکہ وہ اس کا جائزہ لے سکیں