اٹلی، مودینا میں دو گروپوں کے درمیان تصادم کے نتیجے میں 16سالہ پاکستانی قتل،ایک زخمی

اٹلی کے شہر مودینا میں دو گروپوں کے درمیان تصادم کے نتیجے میں 16سالہ پاکستانی ہلاک ہوگیا۔ اٹالین میڈیا کے مطابق دو گروپوں کے مابین پارک میں جھگڑا ہوا، جس کے نتیجے میں سولہ سالہ نوجوان خنجر کے وار سے زخمی ہوا، زخمی نوجوان کو فوری طور پر ہسپتال منتقل کیا گیا، تاہم نوجوان زخموں کی تاب نہ لاتے ہوئے ہسپتال میں انتقال کر گیا،

جھگڑے کے نتیجے میں اٹھارہ سالہ ایک نوجوان بھی زخمی ہوا جس کو ابتدائی طبی امداد کے بعد ہسپتال منتقل کیاگیاجہاں اس کا آپریشن کیا گیا اب اس کی حالت وہ خطرے سے باہر ہے۔اٹالین پولیس کاربینیری نے حادثے کی تحقیقات شروع کردی ہیں، پولیس نے تحقیقات کو انتہائی خفیہ رکھا ہوا ہے،

ذرائع کے مطابق سولہ سالہ پاکستانی نوجوان ڈنکی لگا کر اٹلی پہنچا تھانوجوان کا تعلق لاہور کے علاقے شیخوپورہ سے بتایا جا رہا ہے، نوجوان اٹلی کے شہر موڈینا میں نابالغوں کے لیے قائم سہولت سینٹر میں رہائش پذیر تھا