بارسلونا۔ کاتالونیا میں 218 سکول وائرس سے متاثر،3 سکول بند کردئیے گئے

بارسلونا، محکمہ تعلیم کی جانب سے جاری کئے گئے اعداوشمار کے مطابق سکولوں کے دوبارہ کھلنے کے ایک ہفتے بعد قرنطینہ کرنے والے سکول گروپوں کی تعداد 303 ہوگئی ہے۔ یہ تعداد جمعہ کے دن کے مقابلے میں تین گنا زیادہ ہے جب اس میں 111 گروپ متاثر ہوئے تھے۔

صوبہ کاتالونیامیں 96فیصد سکولوں میں پڑھائی معمول کے مطابق جاری ہے۔ 5455 سکولوں میں 3 کو مکمل بند کردیاگیاہے بند کئے گئے سکول نرسری یا ڈے کئیر سنٹر ہیں۔ جبکہ 218 سکول متاثر ہوئے ہیں۔

زیادہ تر اسکول متاثر ہونے والے علاقوں میں بارسلونا کے شمال میں ماریسم ویلز اورینٹل 39 ،سنٹرل کاتالونیا 35، بارسلونا شہر 33 اوردارالحکومت کے شمال میں ویلز 32سکول متاثرہوئے ہیں ۔