چھپ کر ووٹ دینے سے حقیقی تبدیلی نہیں آسکتی۔ چوہدری عابد رضا کا بارسلونا میں تقریب سے خطاب

مسلم لیگ ن گوجرانوالہ کے صدر اور سابق ایم این اے چوہدری عابد رضا کوئلہ کے اعزاز میں مسلم لیگ ن یورپ کے ٹریڈ کوآرڈینیٹر چوہدری امانت حسین مہر- مسلم لیگ ن سپین کے صدر راجہ حاجی اسد اور راجہ زاہد محمود کی جانب سے پروقار عشائیہ تقریب کا مقامی ریسٹورنٹ پر اہتمام کیا گیا-

تقریب میں مسلم لیگ ن کی مقامی قیادت ورکرز نے کثیتلر تعداد نے شرکت کی،عشائیہ تقریب جلسہ عام میں تبدیل ہو گئی

چوہدری عابد رضا کوئلہ نے تقریب سے دھواں دھار خطاب کرتے ہوئے کہا کہ آپ جس کو بھی ووٹ دیں پھر اس ووٹ کی حفاظت بھی کریں – چھپ چھپا کر ووٹ دینے سے حقیقی تبدیلی نہی آ سکتی –

تقریب سے مسلم لیگ ن سپین کے صدر راجہ حاجی اسد نے خطاب کرتے ہوئے کہا کہ چوہدری عابد رضا کوئلہ اور چوہدری شبیر کوئلہ نے گجرات میں قبضہ مافیا کا خاتمہ کیا ریکارڈ ترقیاتی کام کروائے

مسلم لیگ ن یورپ کے ٹریڈ کوآرڈینیٹر چوہدری امانت حسین مہر نے تقریب کے شرکاء کی آمد کا شکریہ ادا کرتے ہوئے کہا چوہدری عابد رضا کا سپین کا دوسرا گھر ہے ان کے ساتھ ہمارا بھائیوں والا تعلق ہے

تقریب سے ہسپانوی سوشلسٹ پارٹی بادالونا کے صدر فیرناندو کاریرا نے خطاب کرتے ہو کہا ہم پاکستانی کمیونٹی کو قدر کی نگاہ سے دیکھتے ہیں اور آنے والے کاتالان انتخابات میں ہم اگر کامیاب ہوئے تو پاکستانی کمیونٹی کو درپیش مسائل کو حل کرنے کی کوشش کریں گے

تقریب میں نظامت کے فرائض حافظ عبدالرزاق صادق اور راجہ ضیاء نے ادا کئے

تقریب کے شرکاء کی پاکستانی کھانوں سے تواضع کی گئی ۔۔تقریب میں پہنچنے پر مہمانوں کا گلدستے پیش کرکے پرتپاک استقبال کیا گیا۔تقریب کا آغاز تلاوت قرآن پاک سے ہوا جس کی سعادت رضوں کاظمی نے حاصل کی جبکہ بارگاہ رسالت میں ہدیہ عقیدت کے پھول یورپ کے معروف نعت خواں قدیر احمد خان نے پیش کئے –