چین کا مسافربردارطیارہ گر کر تباہ، 132 افرد سوار

بیجنگ:چین کے صوبے گونگش میں مسافربردارطیارہ گرتباہ ہوگیا۔طیارے میں 133افراد سوارہیں۔غیرملکی خبرایجنسی نے چینی میڈیا کے حوالے سے بتایا کہ طیارہ کونمینگ سے گوانگزوجارہا تھا۔طیارے میں ہلاک افراد اورزخمیوں کے بارے میں تاحال کوئی تصدیق نہیں کی گئی۔امدادی کارروائیاں جاری ہیں اورریسکیو عملہ تعینات کردیا گیا ہے۔

طیارہ گرنے کے بعد گوانگشی میں  پہاڑوں پر آگ لگنے کی اطلاعات موصول ہوئی ہیں۔فلائٹ ٹریکنگ ویب سائٹس کے مطابق طیارہ اڑان بھرنے کے صرف ایک گھنٹے تک فضا میں دکھائی دیا۔

حادثے کے بعد کمیونسٹ پارٹی آف چائنا کی مرکزی کمیٹی کے جنرل سیکریٹری، چین کے صدر اور مرکزی فوجی کمیشن کے چیئرمین شی جن پھنگ نے فوری طور پر اہم ہدایات دیں اور اس حادثے کے بارے میں کہا کہ چائنا ایسٹرن ایئرلائنز کی پرواز  ایم یو5735 کے حادثے کے بارے میں جان کر بے حد صدمہ ہوا ہے ۔فوری طور پر ہنگامی طریقہ کار کو فعال کیا جانا چاہیے،  متاثرہ افراد کی تلاش اور بچاؤکا کام منظم انداز میں کرنے کی  ہر ممکن کوشش کی جانی چاہیے۔ انہوں نے کہا کہ جلد از جلد حادثے کی وجوہات معلوم کی جائیں ،سول ایوی ایشن کے شعبے میں ممکنہ خطرات کی تحقیقات کو مضبوط بنایا جائے،ذمہ داریوں کی ادائیگی پر بھرپور توجہ دی جائے، ایوی ایشن آپریشنز کے مکمل تحفظ اور لوگوں کی زندگیوں کی مکمل حفاظت کو یقینی بنایا جائے۔

چینی وزیر اعظم لی کھہ چھیانگ نے بھی اس حوالے سے ہدایات جاری کرتے ہوئے کہا کہ  حادثے میں زندہ بچ جانے والوں کی تلاش کے لیے تمام تر وسائل بروئے کار لائے جائیں ،زخمیوں کے علاج کی ہر ممکن کوشش کی جائے، حادثے کے اثرات سےمناسب انداز میں نمٹا جائے، متاثرین کے خاندانوں کو تسلی دینے اور ان کی دیکھ بھال میں کوئی کسر نہ چھوڑی جائے ۔ انہوں نے کہا کہ حادثے کی وجوہات کی مکمل تحقیقات  کی جائے اور سول ایوی ایشن سیفٹی مینجمنٹ کو مضبوط بنانے کے لیے موثر اقدامات کیے جائیں۔

فی الوقت ،جائےحادثہ پر تلاش اور جان بچانے کے لیے امدادی کام تیزی سے جاری ہیں نیز  حادثے کی وجوہات معلوم کرنے کے لیے تحقیقاتی کام بھی جاری ہے۔