سی پیک منصوبہ پاکستان کی قومی ترقی میں ٹھوس کردار ادا کر رہا ہے، چینی وزارت خارجہ

بیجنگ:چینی وزارت خارجہ کے ترجمان وانگ وین بن نے  پریس کانفرنس میں سی پیک کی 10 ویں سالگرہ کے بارے میں سوالات کے جوابات  دئیے۔

ترجمان نے کہا کہ رواں سال سی پیک کے آغاز کی 10 ویں سالگرہ ہے اور 10 سال کی تعمیر کے بعد “4+1” تعاون کی تشکیل کے تحت راہداری کی تعمیر کو بطور مرکز رکھتے ہوئے بندرگاہی  نقل و حمل کے بنیادی ڈھانچے کی تعمیر اور توانائی کی صنعت کو ترقی دی گئی ہے۔

انہوں نے کہاکہ آج سی پیک منصوبے پاکستان بھر میں پھل پھول رہے ہیں۔ براہ راست سرمایہ کاری میں مجموعی طور پر 25.4 بلین امریکی ڈالر کی سرمایہ کاری ہوئی ہے، جو پاکستان کی قومی ترقی اور علاقائی رابطوں میں ٹھوس کردار ادا کر رہی ہے۔