چینی عوام کی فلاح و بہبود صدر شی جن پھنگ کی اولین ترجیح

بیجنگ ()
چینی عوام کی بہتر زندگی 2021 میں صدر شی جن پھنگ کی تشویش کا اہم ترین موضوع رہا ہے۔ چینی میڈ یا کے مطابق چینی حکومت نے پرائمری اور سیکنڈری اسکول کے طلباء پر پڑنے والے بوجھ سے نمٹنے کے لیے 2021 میں سلسلہ وار پالیسیاں جاری کیں جن کے بہت اچھے نتائج برآمد ہوئے ہیں۔
طب اور صحت کے لحاظ سے 2021 میں انسداد وبا کی صورتحال بدستور سنگین رہی۔شی جن پھنگ نے وبا کی روک تھام اور کنٹرول کے امور کی خود نگرانی کی اور بڑے نقصان سے بچتے ہوئے زیادہ سے زیادہ مثبت نتائج حاصل کیے۔
2021 میں مرکزی حکومت کی بھرپور حمایت سے مقامی حکومتوں نے 42علاقوں میں بزرگوں کی دیکھ بھال اور بنیادی خدمات کی فراہمی کے لیے 1.1 ارب یوآن مختص کیے۔ اس وقت کمیونٹیز میں بزرگوں کی دیکھ بھال کے 301000 ادارے فعال ہیں۔