یونان میں تارکین وطن کی کار کوحادثہ۔۔ ایک پاکستانی ہلاک، 8 افراد زخمی

یونان۔ بین الاقوامی میڈیا کے مطابق یونان میں تارکین وطن کی اسمگلنگ میں ملوث ایک کار حادثے کا شکار ہوئی جس کے نتیجے میں ڈرائیور ہلاک اور تمام 9 مسافر زخمی ہوگئے ہیں۔پولیس کے مطابق جمعرات کی شام ہونے والے حادثے میں ہلاک ہونے والے ڈرائیور کا تعلق پاکستان سے ہے اور انہیں شبہ ہے کہ پاکستانی شخص اسمگلنگ کے ریکٹ کے لیے کام کرتا تھا۔

تفصیلات کے مطابق پولیس کی جانب سے جاری بیان میں بتایا گیایے کہ زخمی ہونے والے مسافروں میں سے بھی مبینہ طور پر ایک پاکستانی اسمگلر ہے جبکہ دیگر 8 افغان باشندے ہیں۔ گاڑی شمالی شہر کاوالا کے قریب پولیس ٹریفک چوکی پر روکی گئی لیکن ڈرائیور نے گاڑی روکنے کی بجائے بھگالی۔ بعد ازاں انتہائی تیزرفتاری کے باعث گاڑی سڑک سے نیچے چلی گئی تھی۔

پولیس حکام نے بتایا کہ تمام زخمیوں کو ہسپتال منتقل کردیا گیا ہے۔