پاکستانیوں کے لیے بڑی خوشخبری،اب اٹلی کا ورک ویزہ ملے گا

روم : یورپ میں ملازمت کے خواہش مند پاکستانیوں کے لئے بڑی خوشخبری، اٹلی کی حکومت نے پاکستانی ورکرز کے لئے ورک ویزہ کی اجازت دے دی، رواں برس 30 ہزار سے زائد ورک ویزے جاری کیے جائیں گے۔

پاکستانی سفیر جوہر سلیم نے خوشخبری دیتے ہوئے بتایا ہے کہ اٹلی نے پاکستانی ورکرز کے لئے ورک ویزا جاری کرنے کی اجازت دے دی ہے۔ اس پیشکش سے زراعت، سیاحت، تعمیراتی اور مال برداری کے شعبے سے منسلک افراد فائدہ اٹھا سکتے ہیں۔

پاکستانی سفیر کا کہنا تھا کہ سفارتخانہ کی کوشش ہوگی کہ پاکستانی ورکرز اس موقع سے بھرپور فائدہ اٹھائیں،  گزشتہ مالی سال میں اٹلی سے 142 ملین ڈالرز بطور ترسیلات زر بھیجے گئے۔ اٹلی میں مقیم پاکستانی ورکرز ہم وطنوں کے لئے ویزا کا مطالبہ کر رہے تھے۔