جمائما کا اپنی فلم کے خصوصی شو کی آمدنی پاکستانی سیلاب زدگان کو دینے کا اعلان

لندن : سابق وزیراعظم عمران خان کی سابقہ اہلیہ جائما گولڈ اسٹمتھ نے اپنی فلم  کے خصوصی شو کی آمدنی پاکستان کے سیلاب زدگان کو دینے کا اعلان کیا ہے۔

جمائما گولڈ اسمتھ نے اپنے ٹویٹر پیغام میں کہا کہ اپنی آنے والی فلم “واٹس لو گاٹ ٹو ڈو ود اٹ” کے خصوصی شو کا اہتمام کر رہی ہیں جس کی آمدنی پاکستان کے سیلاب زدگان کو دی جائے گی۔

جمائما گولڈ اسمتھ نے کہا کہ فلم کے خصوصی شو کو 20 افراد دیکھ سکیں گے۔ فلم کی ریلیز سے قبل خصوصی شو کا مقصد پاکستان کے سیلاب زدگان کی مدد کرنا ہے۔ان کی فلم کے خصوصی شو کی آمدنی پاکستان کے سیلاب متاثرین کے لیے دی جائے گی۔

In aid of Pakistan’s flood victims
🇵🇰🙏🏼🇵🇰🙏🏼
We are auctioning a private screening in London for up to 20 people of our film What's Love Got To Do With It? See you there 💚 https://t.co/BiAmbgvVG2

— Jemima Goldsmith (@Jemima_Khan) September 1, 2022

سابق وزیراعظم بے نظیر بھٹو کی بھتیجی فاطمہ بھٹو فلم کی خصوصی اسکریننگ میں جمائما گولڈ اسمتھ کے ساتھ ہوسٹ ہوں گی جبکہ پاکستانی اداکارہ سجل علی بھی جمائما گولڈ اسمتھ کی فلم “واٹس لو گاٹ ٹو ڈو ود اٹ” کی کاسٹ میں شامل ہیں۔