سپین کے شہر ساراگوسا میں شدید بارش، اولے، شدید طوفان کے بعد سیلابی صورتحال، گاڑیاں بہہ گئیں

اسپین کے شہر ساراگوسامیں طوفانی بارشوں اور ژالہ باری نےتباہی مچادی۔ موسلا دھار بارش کے نتیجے میں کئی سڑکیں زیر آب آگئیں، جس کی وجہ سے لوگ گاڑیوں میں پھنس گئے۔متاثرہ افراد کو نکالنے اور صورتحال پر قابو پانے کے لیے ہنگامی امدادی ٹیموں نے لوگوں کو محفوظ مقام پر منتقل کیا۔

 محکمہ موسمیات کے مطابق 54.2 لیٹر فی مربع میٹر تک بارش ہوئی، جس کے نتیجے میں سڑکیں زیر آب آ گئیں، جن میں ایک رنگ روڈ بھی شامل ہئ جس سے فائر فائٹرز اور غوطہ خوری کی ٹیموں نے انہیں سیلاب کے پانی سے بچانے کے لیے مدد فراہم کی۔

 موسلادھار بارش کے باوجو حادثات یا زخمی ہونے کی کوئی اطلاع نہیں ہے۔ساراگوسا شہر میں شدید رکاوٹوں کا سامنا کرنا پڑا، ٹرام سروس متاثر ہوئی جبکہ کئی بس لائنوں کا رخ موڑ دیا گیا۔ سب سے مشکل صورتحال تھرڈ رنگ روڈ پر بارانکو ڈی لا مورٹے کے قریب پیش آئی، جہاں متعدد افراد اپنی گاڑیوں میں پھنس گئے درختوں سے چمٹے ہوئے تھے، جس کی وجہ سے ریسکیو آپریشن مشکل ہو گیا۔

 بجلی کی کٹوتی کے نتیجے میں ٹریفک لائٹس میں خرابی پیدا ہوئی، متاثرہ چوراہوں پر کراسنگ کو منظم کرنے کے لیے مقامی پولیس افسران کو تعینات کیاگیا۔شہر کے مختلف علاقوں میں سیلابی پانی کی وجہ سے پتیوں کی وجہ سے نکاسی آب اور سیوریج کا نظام بند ہو گیا جو بعد میں بند ہو کر بہہ گیا۔