اسپین نے سیاحت کی بحالی کے لئے کوویڈ پاسپورٹ کی حمایت کردی

اسپین سمیت متعدد ممالک نے کوروناوائرس میڈیکل سرٹیفیکیٹ کے حق میں مشترکہ دستاویز پر دستخط کردئیے ہیں۔ کوویڈ سرٹیفیکیٹ کی حیثیت پاسپورٹ کی طرح تصور کی جائے گی۔ اس اقدام کا مقصد سیاحتی شعبے میں دوسرے ممالک کے شہریوں کے لئے دروازے کھولناہے۔آسٹریا، بلغاریہ، یونان، مالٹا، سلواکیہ اور اسپین کے نمائندوں کی جانب سے دستاویز پر دستخط کئے ہیں

یورپی یونین کے رکن ممالک کے رہنماوں نے گزشتہ جمرات کے روز اس حوالے سے ویڈیو کانفرنس پر تبادلہ خیال کیاتھا۔کانفرنس میں یورپی یونین کے اندر آزادانہ نقل و حرکت کے حوالے سے اقدامات کا جائزہ بھی لیاگیاتھا۔

رواں ماہ یورپی یونین میں گرین ڈیجیٹل پاس کے حوالے سے قانون سازی کی تجویز پیش کی جائے گی۔ ڈیجیٹل پاس سے شہری یورپی یونین کے اندر اور دوسرے ممالک کی جانب سفر کرسکیں گے۔

یونان اور اسپین تیسری لہر کے بعد سیاحت کو متحرک کرنے کے لئے مسافروں کے لئے حفاظتی پاسپورٹ کا مطالبہ کیا جارہاتھا۔تاحال اس اقدام پر متفقہ فیصلہ نہیں کیاجاسکا کیونکہ متعدد ممالک نے اس اقدام کی مخالفت بھی کی ہے۔