برطانیہ نے بیرون ملک سے آنے والے تمام مسافروں کے لیے کورونا ٹیسٹ لازم قرار دیدیا

برطانوی میڈیا کے مطابق کورونا کی بگڑتی صورت حال کے پیش نظر حکومت نے برطانیہ آنے والے تمام افراد کے لیے کورونا کا ٹیسٹ لازمی قرار دے دیا ہے۔برطانوی شہریوں سمیت برطانیہ آنے والے دیگر افراد کے لیے روانگی سے 72 گھنٹے پہلے کورونا ٹیسٹ کرانا ہو گا، کورونا ٹیسٹ کے بغیر برطانیہ پہنچنے والوں کو 500 پاؤنڈ جرمانہ ہو گا۔

11 سال سے کم عمر بچوں، لوری ٹرک ڈرائیورز،کو اس سے استثنا حاصل ہوگا۔ایسے ممالک جہاں پر اس ٹیسٹ کی سہولت میسر نہیں وہاں سے آنے والوں کو استثنا حاصل ہوگا۔دوسرے ممالک سے ٹیسٹ کے ساتھ آنے والوں 10 روز کے قرنطینہ میں بھی رہنا ہوگا۔

کورونا کی دوسری لہر کی شدت میں اضافے کے بعد اپریل کے بعد پہلی بار مسلسل دوسرے دن ایک ہزار سے زائد اموات اور 52600 سے زائد نئے مریض رپورٹ ہوئے ہیں۔برطانیہ میں کورونا وائرس سے اموات کی تعداد 78 ہزار 508 ہو چکی ہے۔