’’سیاستدان پاکستان میں قومی اتفاق رائے پیدا کریں،کشمیرمیں پاکستانی پرچم نہیں گرنےدیں گے‘‘

مظفر آباد: وزیراعظم آزاد کشمیر راجہ فاروق حیدر نے کہا ہے کہ بھارت کے عزائم ناکام بنانے کیلئے جارحانہ پالیسی اپنانا ہوگی۔ سیاسی جماعتیں پاکستان میں قومی اتفاق رائے پیدا کریں،کشمیرمیں پاکستانی پرچم نہیں گرنےدیں گے۔

 قانون ساز اسمبلی کے اجلاس سے وزیراعظم آزاد کشمیر راجہ فارق حیدر نے خطاب کرتے ہوئے کہا آج پوری قوم کشمیری عوام سے اظہار یکجہتی کر رہی ہے، کشمیری خود کو اکیلا نہ سمجھیں، ہم سب مقبوضہ کشمیر کے عوام کی پشت پر کھڑے ہیں۔

ان کا کہنا تھا کہ پاکستان مشکلات کے باوجود کشمیریوں کی مدد کر رہا ہے، امریکا کبھی ہمارے حق میں بات نہیں کرے گا،امریکا کی جانب سے ثالثی سے بھارت کو فائدہ ہوگا، مسئلہ فلسطین پر امریکی ثالثی سے فلسطین کا بیڑہ غرق ہوگیا۔

وزیراعظم عمران خان کی موجودگی میں راجہ فاروق حیدر کا کہنا تھاکہ  بھارت کے عزائم ناکام بنانے کیلئے جارحانہ پالیسی اپنانا ہوگی۔ پاکستان میں سیاسی جماعتیں قومی اتفاق رائے پیدا کریں اور قوم کو متحد کریں، ہم کشمیر میں پاکستان کا جھنڈا نہیں گرنے دیں گے۔