برطانیہ نے لاک ڈاؤن میں مزید نرمی کا اعلان کر دیا

غیر ملکی خبر رساں ایجنسی کے مطابق برطانوی وزیر اعظم  نے لاک ڈاوَن میں مزید نرمی کا اعلان کرتے ہوئے برطانیہ میں 4 جولائی سے بارز، ریسٹورنٹس اور ہوٹلوں کو کھولنے کا فیصلہ کیا ہے۔

برطانوی وزیر اعظم بورس جانسن نے اپنی عوام کو مخاطب کرتے ہوئے کہا کہ آئندہ ماہ باہرجا کر سماجی طور پر نئی آزادی سے لطف اندوز ہوں اور سب کو خبردارکرتا ہوں کہ ذمہ داری سے کام کریں۔

انہوں نے کہا کہ حکومت سماجی دوری کے قوانین میں نرمی لائے گی جبکہ حکومت کرکٹ اور سینما جیسی رونقیں بھی دوبارہ بحال کر رہی ہے تاہم اگر کورونا کا خطرہ بڑھا تو لاک ڈاوَن سخت کر سکتے ہیں۔

برطانیہ میں اب تک کورونا وائرس کی وجہ سے 3 لاکھ 6 چھ ہزار سے زائد افراد متاثر ہیں جبکہ اموات کی تعداد 42 ہزار 9 سو سے تجاوز کر چکی ہے۔

برطانیہ بھی کورونا وائرس کی شدید لپیٹ میں ہے اور دنیا اس وبائی امراض کی دنیا بھر کی فہرست میں پانچویں نمبر پر موجود ہے۔