امداد کے منتظر فلسطینیوں پر پھر اسرائیلی حملے 29 افراد ہلاک، 150 سے زیادہ زخمی

فلسطینی حکام نے بتایا ہے کہ جمعے کی صبح وسطی اور شمالی غزہ میں دو الگ الگ واقعات میں درجنوں فلسطینی اس وقت ہلاک ہو گئے جب اسرائیلی فورسز نے امداد کے لیے قطار میں کھڑے ہوئے لوگوں پر حملہ کیا۔

حماس کے زیر انتظام وزارت صحت کے مطابق ان دو الگ الگ واقعات میں خوراک کے انتظار میں کھڑے ہوئے کم از کم 29 افراد ہلاک اور 150 سے زیادہ زخمی ہوئے۔

فلسطینی محکمہ صحت کے حکام نے بتایا ہے کہ پہلا واقعہ وسطی غزہ میں قائم النصیرات کیمپ میں امداد تقسیم کرنے کے ایک مرکز میں پیش آیا۔ اس مرکز پر اسرائیلی فضائی حملے میں آٹھ افراد مارے گئے۔

وزارت صحت کے مطابق دوسرا واقعہ شمالی غزہ میں اس وقت پیش آیا جب اسرائیلی فورسز نے امدادی ٹرکوں کے انتظار میں کھڑے ہوئے فلسطینیوں کے ایک ہجوم پر فائرنگ کر دی۔ اس کے نتیجے میں کم ازکم 21 افراد ہلاک اور 150 سے زیادہ زخمی ہو گئے۔

اسرائیلی فوج نے کہا کہ وہ ان دونوں واقعات کا جائزہ لے رہی ہے۔

مزید خبروں کیلئے وزٹ کریں