شمالی وزیرستان میں چیک پوسٹ پرحملہ:ایف سی کا لانس نائیک شہید، 2دہشتگرد ہلاک

راولپنڈی: شمالی وزیرستان میں ایک اور بہادر بیٹا مادر وطن پر قربان ہو گیا، ایف سی کی چیک پوسٹ پر دہشت گردوں کی فائرنگ سے لانس نائیک محمد عمران شہید جب کہ فائرنگ کے تبادلے میں 2 دہشت گرد مارے گئے۔

مسلح افواج کے شعبہ تعلقات عامہ (آئی ایس پی آر) کے مطابق شمالی وزیرستان میں پاک افغان سرحد کے قریب دہشت گردوں کی جانب سے ایف سی کی چیک پوسٹ پر فائرنگ کی گئی جس کے نتیجے میں ایف سی کے لانس نائیک محمد عمران شہید اور 2 اہلکار زخمی ہوئے ہیں۔

Terrorist fire raided FC post in North Wazirstan Distt near Pak-Afg Border. During exchange of fire 2 terrorists killed.
Lance Naik Muhammad Imran of FC KP embraced shahadat while 2 FC soldiers got injured. pic.twitter.com/JW3SeAnI8d

— DG ISPR (@OfficialDGISPR) December 1, 2019

ڈی جی آئی ایس پی آر میجر جنرل آصف غفور کےمطابق ایف سی اہلکاروں کی جانب سے جوابی فائرنگ کے نتیجے میں 2 دہشت گرد مارے گئے، فائرنگ کے تبادلے میں شہید ہونے والے لانس نائیک 31 سالہ محمد عمران کا تعلق جمرود سے تھا۔