کورونا وائرس کے باعث سوئٹزرلینڈ،سویڈن، ہالینڈ کا پاکستان میں ویزہ آپریشن معطل

اسلام آباد: کورونا وائرس کے باعث تشویش ناک ہوتی صورت حال میں تین یورپی ممالک نے پاکستان میں ویزہ آپریشنز معطل کر دیئے۔

کورونا وائرس کے پھیلاؤ کے پیش نظر پاکستان میں سوئٹزر لینڈ، سویڈن اور نیدرلینڈز کے سفارت خانوں نے ویزہ آپریشنز عارضی طور پر معطل کر دیئے ہیں، تینوں ممالک کے پاکستان میں موجود سفارتخانوں اور قونصل خانوں نے پاکستانی شہریوں سے ہر قسم کی ویزہ درخواستیں وصول کرنا بند کردی ہیں۔

تینوں ممالک کے سفارتخانوں کی جانب سے ویزہ درخواستیں وصول کرنے کیلئے پہلے سے دی گئی تمام اپوائنٹ منٹس منسوخ کر دی گئی ہیں، جب کہ ان اپوائنٹ منٹس کیلئے نئی تاریخوں کا اعلان صورت حال میں بہتری کے بعد کیا گیا جائے۔