پی آئی اے نے بیرون ملک اپنا فلائٹ آپریشن جزوی طور پر بحال کردیا

پی آئی اے کی جانب سے شروع کئے گئے فلائٹ آپریشن کے پہلے مرحلے میں محدود تعداد میں مسافروں کو واپس لایاجائے گا تا کہ ان کی این آئی ایچ کی صلاحیت کے مطابق مربوط ٹسٹینگ کی جا سکے

کینیڈا اور برطانیہ کے لئے کراچی، لاہور اور اسلام آباد سے پروازیں چلائی جائیں گی، ٹورنٹو کے لئے فلائٹ آپریشن 3 اپریل جب کہ برطانیہ کے لیے فلائٹ آپریشن 4 اپریل سے شروع ہو گا

فلائٹ آپریشن بندش کے دوران متاثرہ مسافروں کو ترجیح دی جائے گی۔

تمام پروازیں کو صرف اسلام آباد ائیر پورٹ پر لینڈ کرنے کی اجازدت دی گئی ہے۔ اسلام آباد میں تمام مسافروں کو چھ گھنٹے کیلئے مقامی ہوٹلوں میں رکھا جائے گا

جو مسافروں کلیئر ہوں گے ان کو گھر بھیج دیا جائے گا جبکہ متاثرہ مسافروں کو قرنطینہ سینٹر منتقل کیا جائے گا۔

اطلاعات کے مطابق پی آئی اے کی 2 خصوصی پروازیں کینیڈا کے شہر ٹورنٹو روانہ ہوئی ہیں۔ یہ پروازیں کراچی اور لاہور سے مجموعی طور پر 600 مسافروں کو لے کر روانہ ہوئی ہیں

تاہم دونوں پروازیں بغیر مسافروں کے خالی پاکستان واپس آئیں گی۔ روانگی سے قبل مسافروں کی جامع اسکریننگ اور ان کے سامان پر ڈس انفیکشن اسپرے کیا گیا۔