وزیراعظم کے دفتر کے سامنے خودسوزی کرنے والا شہری ہسپتال میں چل بسا

اسلام آباد۔۔۔ فیصل عباسی نامی شہری نے وزیراعظم ہاوس اسلام آباد کے ‏سامنے خود سوزی کرلی،،، شہری کے پاس سے وزیراعظم ہاؤس کولکھا گیا خط برآمد ‏جس میں تحریرہے کہ اس پرشراب کا جھوٹا مقدمہ درج کروا گیا

ذرائع کےمطابق فیصل عباسی نامی شہری نے وزیراعظم ہاوس گیٹ نمبردوکے سامنے ‏خود کوآگ لگالی،،، جھلسےشہری کوفوری طورپرپمزبرن سنٹرمنتقل کیا گیا تاہم وہ ‏زخموں کی تاب نہ لاتےہوئے دم توڑگیا

خودسوزی کرنےوالے شہری سے وزیراعظم ہاوس کولکھا گیا خط برآمد ہوا ہے،،، خط ‏میں جواد احمد عباسی نامی سیاستدان کے خلاف کاروائی کا مطالبہ کیا گیا ہے،،،

خط ‏میں تحریرہے کہ اس نے جواد عباسی کے خلاف وزیراعظم سیکرٹریٹ درخواست دی ‏تھی جوسی پی او راولپنڈی کو مارک کی گئی ،، جواد عباسی کے خلاف پیرودھائی تھانے ‏گیا لیکن کاروائی نہ کی گئی،،، الٹا 20 لیٹرشراب کا جھوٹا مقدمہ کروا دیا گیا۔

دوسری جانب واقعے پرراولپنڈی پولیس کا ردعمل بھی سامنے آگیا،،، ایس پی راول ‏مظہراقبال کا کہناہے کہ خود کشی کرنےوالے شخص کےخلاف مارچ ‏‏2019 میں مری میں 9 سالہ بچی کے ساتھ زیادتی کی کوشش کا مقدمہ بھی درج ہے۔ ‏ایس پی راول کا کہنا ہے کہ معاملہ کی مزید چھان بین کر رہے ہیں،، خود کشی کرنے ‏والے کے الزامات کے حقائق جلد منظرعام پر لائیں گے۔ ‏