فواد چوہدری نے ایک بار پھر رویت ہلال کمیٹی ختم کرنے کا مطالبہ کردیا

اسلام آباد: وفاقی وزیر برائے سائنس و ٹیکنالوجی فواد چودھری نے ایک بار پھر رویت ہلال کمیٹی ختم کرنے کا مطالبہ کر دیا۔ انہوں نے کہا عید الفطر 24 مئی کو ہوگی۔

وفاقی وزیر سائنس اینڈ ٹیکنالوجی فواد چودھری کا کہنا تھا رویت ہلال کمیٹی پیر کو عید کرنا چاہتی ہے، کل پریس کانفرنس میں تمام ضروری امور سامنے لاؤں گا، پریس کانفرنس میں بتاوں گا کہ عید 24 مئی کو کیسے بنتی ہے۔

اپنی بات جاری رکھتے ہوئے فواد چوہدری نے کہا کہ پریس کانفرنس میں یہ بھی بتاوں گا کہ رویت ہلال کمیٹی پیر کی عید کیوں کرنا چاہتے ہیں، ان کا کہنا تھا کہ سائنس کے جدید دور میں رویت ہلال کمیٹی کی کوئی ضرورت نہیں۔