اےا ین ایف انٹیلیجنس کی پشاور میں بڑی کارروائی ، ڈیڑھ ارب روپے مالیت کی منشیات برآمد، ملزمان گرفتار

ملک سے منشیات کے خاتمے اور اسمگلرز کو قانون کے شکنجے میں لانے کیلئے انسداد منشیات فورس کے  انٹیلی جنس  ونگ نے  ملک بھر میں کارروائیاں تیز کر دی ہیں۔

اے این ایف انٹیلیجنس نے خفیہ معلومات کی بنیاد پر پشاور میں کوہاٹ روڈ پر کارروائی کی ۔ کارروائی کے دوران 1 ہزار 722 کلو گرام منشیات قبضے میں لی گئی۔
منشیات کی یہ کھیپ ایک ٹرک میں سیب کی پیٹیوں میں چھپائی گئی تھیں، جسے خیبرپختونخوا سے پنجاب اسمگل کیا جا رہا تھا، اے این ایف حکام کے مطابق پکڑی گئی منشیات میں چرس، افیون، ہیروئن شامل ہے ۔ ضبط شدہ منشیات کی مالیت پاکستان میں 98 کروڑ روپے سے زائد جب کہ عالمی مارکیٹ میں ڈیڑھ ارب روپے کے قریب بتائی جا رہی ہے۔
انسداد منشیات فورس انٹیلی جنس نے اس کامیاب کارروائی کے دوران چار ملزمان خیال مت شاہ، خیال محمد، عطاء اللہ اور احسان اللہ کو گرفتار کر لیا ہے، ملزمان کے خلاف انسداد منشیات ایکٹ کے تحت منشیات اسمگلنگ کی دفعات کے تحت مقدمہ درج کر کے تفتیش شروع کر دی گئی