مالی سال 2023-24 کا بجٹ 9 جون کو پیش کرنے کا اعلان
اسلام آباد : وفاقی وزیر خزانہ اسحاق ڈار نے کہا ہے کہ مالی سال 2023-24 کا بجٹ 9 جون کو پیش کیا جائے گا۔
وزیر خزانہ اسحاق ڈار نے میڈیا سے غیر رسمی گفتگو کرتے ہوئے کہا کہ چین پاکستان کا مزید 2.4 ارب ڈالر کا قرضہ رول اوور کردے گا، آئی ایم ایف نے معاہدہ کرنا ہے تو کرے اگر نہیں کرنا چاہتا تو نہ کرے۔
وزیر خزانہ نے کہا کہ آئی ایم ایف کے مطالبے پر مزید مشکل فیصلے نہیں کر سکتے، آئی ایم ایف نے جتنے پیشگی اقدامات کہے کر لیے، اب مزید نہیں کر سکتے۔
اسحاق ڈار کا کہنا تھا کہ مئی اور جون میں 3.7 ارب ڈالر کی بیرونی ادائیگیوں کا پلان ہے، 3.7 ارب ڈالر کی ادائیگیوں میں کوئی پریشانی نہیں۔
Comments are closed.