کشمیر کے مستقبل کا فیصلہ صرف کشمیریوں نے کرنا ہے، عارف علوی

سری نگر: صدر مملکت ڈاکٹر عارف علوی کا کہنا ہے کہ کشمیر پر صرف کشمیریوں کا حق ہے اور کشمیر کے مستقبل کا فیصلہ صرف کشمیریوں کو کرنا ہے۔

یوم کشمیر پر قانون ساز اسمبلی سے خطاب کرتے ہوئے صدر پاکستان ڈاکٹر عارف علوی نے کہا کہ تقسیم برصغیر کے وقت پاکستان اورکشمیر کے ساتھ ناانصافی اور سازش کی گئی، باؤنڈری کمیشن کا مسلم اکثریتی علاقوں کو بھارت کے حوالے کرنا سوچے سمجھے منصوبے کے تحت سازش تھی۔

صدر مملکت ڈاکٹر عارف علوی نے کہا کہ صدیوں سے کشمیری بھائی ظلم سہتے آئے ہیں،کشمیر پر صرف کشمیریوں کا حق ہے اور کشمیر کے مستقبل کا فیصلہ صرف کشمیریوں کو کرنا ہے جب کہ کشمیر کے حوالے سے پاکستانی سیاستدانوں میں کوئی اختلاف نہیں۔

عارف علوی کا کہنا تھا کہ وزیراعظم نے بھارت کی جانب دوستی کا ہاتھ بڑھایا لیکن قابض بھارت بات چیت سے بھاگتا ہے،بھارت سے جب بھی بات چیت کا کہا اس نےکوئی ناکوئی بہانہ بنادیا، کشمیروں کے حق خود ارادیت کی بلاتفریق حمایت کرتےہیں۔