وعدے کے مطابق مدت پوری ہونے پرریٹائرڈ ہوجائوں گا، جنرل باجوہ

نیویارک : آرمی چیف جنرل قمر جاوید باجوہ نے دوسری تین سالہ مدت پوری ہونے پر سبکدوش ہونے کا عندیہ دے دیا۔جنرل قمر جاوید باجوہ نے کہا کہ مسلح افواج نے خود کو سیاست سے دور کر لیا ہے۔اپنے وعدے کے مطابق عمل کریں گے۔مضبوط معیشت کے بغیر کوئی سفارت کاری نہیں ہو سکتی۔

آرمی چیف جنرل قمر جاوید باجوہ کی واشنگٹن میں پاکستانی سفارتخانے کے ظہرانے میں شرکت کی۔اس موقع پرمیڈیا سے غیررسمی گفتگو کرتے ہوئے جنرل قمرجاوید باجوہ کا کہنا تھا کہ مسلح افواج سیاست سے دور رہنا چاہتی ہیں۔ اپنے وعدے کے مطابق عمل کرتے ہوئے مدت پوری ہونے پر عہدے سے سبکدوش ہوجائوں گا۔

جنرل قمر جاوید باجوہ نے کہا کہ لاغر ملکی معیشت کو بحال کرنا معاشرے کے تمام طبقات کی اولین ترجیح ہونی چاہیے۔مضبوط معیشت کے بغیر قوم اپنے اہداف حاصل نہیں کرسکتی۔مضبوط معیشت کے بغیر کوئی سفارت کاری نہیں ہو سکتی۔

آرمی چیف کا دورہ امریکا جاری۔۔امریکی وزیر دفاع ۔مشیر قومی سلامتی اور امریکی نائب وزیر خارجہ وینڈی شرمین سے ملاقات۔۔ علاقائی سلامتی سمیت مختلف شعبوں میں دوطرفہ تعاون پر تبادلہ خیال۔۔۔ جنرل قمر جاوید باجوہ نے کہا ہمارے عالمی شراکت داروں کی مدد پاکستان میں سیلاب زدگان کی بحالی میں اہم ہو گی۔
آرمی چیف جنرل قمر جاوید باجوہ سے امریکی وزیر دفاع جنرل (ر) لائیڈ آسٹن۔ مشیر امریکی قومی سلامی جیکب سلیوان اور نائب وزیر خارجہ وینڈی شرمین نے ملاقات کی ہے۔ملاقات میں باہمی دلچسپی۔علاقائی سلامتی۔مختلف شعبوں میں دوطرفہ تعاون پر تبادلہ خیال کیا گیا۔
آئی ایس پی آر کا کہنا ہے کہ پاکستان، امریکا کے درمیان دوطرفہ تعاون کی طویل تاریخ ہے۔دونوں جانب سے اس عزم کا اظہار کیا گیا کہ پاک، امریکا اقتصادی تعلقات۔بذریعہ تجارت اور سرمایہ کاری مزید بہتر بنائے جائیں گے۔
آرمی چیف نے فلوریڈا میں سمندری طوفان سے ہونے والی ہلاکتوں پر افسوس کا اظہار کرتے ہوئے کہا کہ پاکستان متاثرین کے خاندانوں کے نقصان اور درد کو بخوبی سمجھتا ہے۔پاکستان موسمیاتی تغیر کے ایسے ہی حالات سے دوچار ہے جیسے فلوریڈا میں ہوا۔فریقین کا افغانستان سمیت تمام بین الاقوامی مسائل پر اتفاق رائے رہا۔