آرمی چیف کا دورہ کراچی، مزار قائد پرحاضری، فاتحہ خوانی کی

آرمی چیف جنرل سید عاصم منیر کی کراچی آمد،بانی پاکستان قائد اعظم محمد علی جناح کے مزار پر حاضری دی۔ فاتحہ خوانی کی۔ کور ہیڈ کوارٹرز کا دورہ بھی کیا جہاں انہیں آپریشنل۔ سیکیورٹی اور دیگر متعلقہ امور پر بریفنگ دی گئی۔

آئی ایس پی آر کے مطابق آرمی چیف جنرل سید عاصم منیر کو صوبہ سندھ میں حالیہ سیلاب کے دوران سول انتظامیہ کی مدد کے بارے میں بھی آگاہ کیا گیا۔

آرمی چیف جنرل سید عاصم منیر نے ملک میں بدترین سیلاب کے دوران آپریشنل تیاریوں اور سندھ کے لوگوں تک پہنچ کر ان کی مدد کرنے پر فوج اور رینجر کے جوانوں کو سراہا، جنرل سید عاصم منیر نے صوبے خصوصاً کراچی میں پرامن، محفوظ اور سازگار ماحول برقرار رکھنے کے لئے فارمیشن اور قانون نافذ کرنے والے اداروں کی تعریف کی

قبل ازیں کراچی پہنچنے پر کور کمانڈر کراچی لیفٹیننٹ جنرل محمد سعید نے آرمی چیف کا استقبال کیا۔