ارشد شریف قتل، جوڈیشل کمیشن کیلئے چیف جسٹس کو خط لکھا تھا، وزیراعظم

اسلام آباد : وزیر اعظم شہباز شریف نے کہا ہے کہ ارشد شریف قتل کی تحقیقات کیلئے چیف جسٹس کو جوڈیشل کمیشن کیلئے خط لکھا تھا۔ اظہار رائے کے بغیر جمہوریت ادھوری ہے۔
وزیراعظم شہباز شریف نے جرنلسٹ سیفٹی فورم کی تقریب سے خطاب کرتے ہوئے کہا کہ صحافیوں کے تحفظ کیلئے حکومتی اقدامات کیے جا رہے ہیں کیونکہ آزادی اظہار رائے معاشرے اور ملک کے لیے اہم ہوتی ہے۔
وزیراعظم شہباز شریف نے کہا کہ صحافیوں کی زندگی کے تحفظ کیلئے اقدامات حکومت کی ترجیح ہے جبکہ صحافی ارشد شریف کی قتل کی تحقیقات کیلئے چیف جسٹس کو جوڈیشل کمیشن کیلئے خط لکھا تھا۔
شہباز شریف نے کہا کہ صحافی میرے دل کے قریب ہیں اور صحافی ارشد شریف کو قتل کیا گیا جو افسوسناک ہے۔ صحافیوں کے لیے فرائض کی انجام دہی کے دوران تحفظ اہم ہے۔
وزیراعظم کا کہنا تھا کہ اظہار رائے کے بغیر جمہوریت ادھوری ہے۔