جموں ایئرپورٹ پر بھارتی فضائیہ کے اسٹیشن میں بم دھماکے، 2 اہلکار زخمی

مقبوضہ کشمیر میں جموں ایئرپورٹ پر قائم بھارتی فضائیہ کے اسٹیشن میں بم دھماکوں کے نتیجے میں 2 اہلکار زخمی ہوگئے بھارتی سیکیورٹی افسران کی دوڑیں لگ گئیں، دھماکوں سے خوف و ہراس پھیل گیا۔

بھارتی میڈیا رپورٹس کے مطابق جموں ایئرپورٹ پر انڈین ایئرفورس کے ایک اسٹیشن میں مبینہ طور پر ڈورن کے ذریعے پانچ منٹ کے وقفے سے دو دھماکے کیے گئے جس سے عمارت کو شدید نقصان پہنچا، تاہم کوئی جانی نقصان نہیں ہوا، دو اہلکاروں کےزخمی ہونے کی تصدیق کی گئی۔

دھماکوں کے بعد جموں ایئرپورٹ پر تمام پروازوں کو معطل کردیا گیا۔ جائے وقوعہ پر میڈیا سمیت کسی کو بھی جانے کی اجازت نہیں دی جا رہی ہے۔ ایمبولینسوں کو جائے وقوعہ کے اندر داخل ہوتے دیکھا جا سکتا ہے۔ ڈی جی جموں پولیس نے میڈیا کو بتایا کہ جائے وقوعہ سے 5 سے 6 کلو وزنی بارودی مواد ملا ہے جس کے بارے میں شبہ ہے کہ یہ ائیر فیلڈ میں ڈرون کے ذریعے گرایا گیا تھا۔