عدالتی احکامات کو ہوا میں اڑانا ناقابل معافی ہے، فواد چودھری

لاہور ہائیکورٹ کے فیصلے کو ہوا میں اڑا کر عمران خان کی رہائشگاہ میں پولیس داخل ہوئی چادر اور چار دیواری کے ہر اصول کو پامال کیا گیا، آج قانونی ٹیم سے مشاورت کریں گے، فواد چودھری کا ٹویٹ

لاہور : پی ٹی آئی رہنما فواد چودھری نے کہا ہے کہ عدالتی احکامات کو ہوا میں اڑانا ناقابل معافی ہے۔
اپنے ٹویٹر پیغام میں پی ٹی آئی رہنما فواد چودھری نے کہا کہ آج قانونی ٹیم کی میٹنگ بلائی ہے،جس طرح لاہور ہائیکورٹ کے فیصلے کو ہوا میں اڑا کر عمران خان کی رہائشگاہ میں پولیس داخل ہوئی چادر اور چار دیواری کے ہر اصول کو پامال کیا گیا، چوری کی گئی۔ فود چودھری نے کہا کہ پولیس جوس کے ڈبے تک اٹھا کر لے گئے،معصوم لوگوں کو تشدد کا نشانہ بنایا گیا جو کچھ اسلام آباد میں ہوا۔
فواد چودھری نے کہا کہ یہ تمام واقعات پاکستان میں جاری آئینی بحران کا شاخسانہ ہیں، عدالتی احکامات کو ہوا میں اڑانا ناقابل معافی ہے، ہائیکورٹ اپنے فیصلوں کا پہرہ دیں۔ فواد چودھری کا کہنا تھا کہ تمام پولیس آفیسرز جنہوں نے غیر قانونی آپریشن کیا اور تشدد میں ملوث ہوئے ان پر پرچے درج کرا رہے ہیں۔