چین کے صدر کا اسپین میں شدید سیلاب پر ہسپانوی بادشاہ سے اظہار ہمدردی

چین کے صدر شی جن پنگ نے ہسپانوی بادشاہ فلپ ششم سے سپین میں شدید بارشوں اور سیلاب پر اظہار ہمدردی کیا ہے۔

چینی میڈیا کے مطابق شی جن پنگ نے اپنے پیغام میں کہا ہے کہ یہ جان کر دکھ ہوا ہے کہ شدید بارشوں اور سیلاب نے سپین کے کئی حصوں کو متاثر کیا ہے جس سے بھاری جانی و مالی نقصان ہوا ہے۔

چینی صدر نے چینی حکومت اور عوام کی جانب سے متاثرین کے حوالے سے دلی تعزیت اور سوگوار خاندانوں اور زخمیوں سے دلی ہمدردی کا اظہار بھی کیا۔

شی جن پنگ نے امید ظاہر کی کہ بادشاہ اور ہسپانوی حکومت کی قیادت میں سیلاب سے متاثرہ علاقوں کے لوگ اس آفت پر قابو پا لیں گے اور جلد از جلد اپنے گھروں کی تعمیر نو کریں گے۔