او آئی سی کا قرآن پاک  کی بے حرمتی روکنے کیلئے اجتماعی اقدامات کی ضرورت پر زور

جدہ: اسلامی تعاون تنظیم (او آئی سی) نے مغربی ممالک میں قرآن پاک  کی بے حرمتی کے واقعات روکنے کے لیے اجتماعی اقدامات کی ضرورت پر زور دیا ہے۔

سویڈن میں قرآن پاک کی بے حرمتی کے واقعے کے بعد جدہ میں اسلامی تعاون تنظیم کے ایک غیر معمولی اجلاس کے بعد جاری بیان میں تنظیم کے سیکرٹری جنرل حسین برہیم طحہ نے کہا کہ “ہمیں بین الاقوامی قانون کے فوری اطلاق کے حوالے سے عالمی برادری کو مسلسل یاددہانی کرانی چاہیے جو واضح طور پر مذہبی منافرت کی کسی بھی وکالت کو منع کرتا ہے۔

او آئی سی کے سیکرٹری جنرل نے کہا کہ ایک واضح پیغام بھیجنے کی ضرورت پر زور دیتے ہوئے کہا کہ قرآن پاک کے نسخوں کی بے حرمتی اور ہمارے پیارے نبی حضرت محمد ﷺ کی شان میں گستاخی کرنا محض اسلامو فوبیا کے معمولی واقعات نہیں ہیں، مذہبی منافرت کو روکنے کے لیے بین الاقوامی قانون کا استعمال کیا جانا چاہیے۔