مہنگائی کا پھر وار… کوکنگ آئل 46 روپے فی لیٹر، گھی34 روپے فی کلو مہنگا

یوٹیلیٹی اسٹورز پر ایک بار پھر بنیادی اشیائے خور و نوش کی قیمتیں بڑھا دی گئیں. کوکنگ آئل سمیت دیگر اشیاء کی قیمتوں میں ہوشربا اضافہ کردیا گیا ہے.

غریب عوام کی سہولت کے لئے قائم یوٹیلیٹی سٹورز پر بنیادی اشیائے ضروریہ غریب عوام کی پہنچ سے دور ہوتی جا رہی ہیں. حکومت نے بار پھر قیمتوں میں اضافے کا نوٹیفیکیشن جاری کر دیا جس کا اطلاق فوری طور پر کر دیا گیا ہے.

نوٹیفیکیشن کے مطابق شیمپو کی بوتل کی قیمت 4 سے 20 روپے تک بڑھادی گئی، کپڑے دھونے کا سرف 6 سے 45 روپے تک مہنگا کردیا گیا، نہانے کے صابن کی قیمت میں 3 سے 7 روپے تک کا اضافہ کیا گیا ہے۔

مختلف برانڈ کے کوکنگ آئل کی قیمت میں 46 روپے فی لیٹر تک اضافہ کیا گیا کے جب کہ گھی کی قیمت 34 روپے فی کلو گرام بڑھا دی گئی ہے.

 واضح وزیر اعظم پیکچ کے تحت گذشتہ ہفتے تین بنیادی اشیاء مہنگی کی گئی تھیں، یوٹیلیٹی اسٹورز پر سبسڈی والا گھی فی کلو 90 روپے مہنگا کیا گیا تھا، چینی کی فی کلو قیمت میں 17 روپے کا اضافہ کیا گیا تھا، آٹے کا 20 کلو کا تھیلا 150 روپے مہنگا کیا گیا تھا.