ملک بھر کے 103 اضلاع میں 3 ہزار497 مقامات پراسمارٹ لاک ڈائون جاری

اسلام آباد: پاکستان میں کورونا وائرس کی دوسری لہر جاری ہے، حکومت نے آزمودہ حکمت عملی کے تحت 103 اضلاع میں 3 ہزار 497 مقامات پر سمارٹ لاک ڈاؤن جاری ہے۔وفاقی وزیر اسد عمر نے حکومتی اقدامات پر ایک بار پھر عوام سے تعاون کی درخواست کی ہے۔

وفاقی وزیر منصوبہ بندی و ترقی اسد عمر کی زیرصدارت نیشنل کمانڈ اینڈ آپریشن سنٹر اجلاس اسلام آباد میں ہوا، جس میں کورونا ٹیسٹنگ، اسمارٹ لاک ڈاؤن اور حفاظتی تدابیر کے موجودہ پیٹرن کا تفصیلی جائزہ لیا لیا گیا۔ صوبائی چیف سیکرٹریز نے ویڈیولنک پر شرکت کی۔

بریفنگ میں بتایا گیا کہ کورونا کے 52 فیصد ٹیسٹ ٹریس، ٹیسٹ اینڈ کورنٹائن حکمت عملی کے تحت کیے، بتایا گیا کہ ملک بھر کے 103 اضلاع میں 3 ہزار497 مقامات پراسمارٹ لاک ڈائون لگائے گئے ہیں، وفاقی وزیراسد عمر کا کہنا تھا کہ حکومتی اقدامات کے نتیجے میں وبا کے روک تھام اورقیمتی جانوں کو بچانے میں اور عوام کے بھرپورتعاون سے کورونا کو روکنے میں کامیابی ملی ہے۔

بریفنگ میں بتایا گیا کہ کورونا کے 52 فیصد ٹیسٹ ٹریس،ٹیسٹ اینڈ کورنٹائن حکمت عملی کے تحت کیے گئے کورونا کی ممکنہ دوسری لہر سے نمٹنے کےلیے احتیاطی اقدامات ضروری ہیں، کورونا سے متعل قومی رابطہ کمیٹی کے فیصلے کے مطابق ماسک کا استعمال لازمی ہوگا۔

اجلاس میں چیف سیکرٹری سندھ نے بتایا کہ تعلیمی اداروں اور شادی ہالز کی سخت مانیٹرنگ کررہے ہیں چیف سیکرٹری کے پی کے نے بھی بریف کرتے ہوئے بتایا کہ کورونا ایس او پیز کی خلاف ورزی پرشادی ہالز اور ریسٹورنٹس کےخلاف کارروائی کی ہے، ٹریس،ٹیسٹ اینڈ کورنٹائن پالیسی سے بلوچستان میں کورونا کیسز میں کمی آئی ہے۔