پنجاب بھر میں بھکاری مافیا کے خلاف کریک ڈاؤن کا فیصلہ

محکمہ داخلہ پنجاب نے صوبے بھر میں بھکاری مافیا کے خلاف کریک ڈاؤن کا فیصلہ کیا ہے۔

ترجمان محکمہ داخلہ کا کہنا ہے کہ پنجاب کی جیلوں میں بھکاری مافیا کیلئے بیرک تیار کر لئے گئے ہیں، بھکاری مافیا کے لئے مختص ہر بیرک میں 100 سے 200 افراد کی گنجائش ہے۔

محکمہ داخلہ کے ترجمان نے کہا کہ بڑے شہروں میں ضرورت کے پیش نظر بیرکس بڑھا رہے ہیں، بھکاری مافیا گینگ لیڈرز کیلئے سزا میں اضافے کا قانون لا رہے ہیں۔

ترجمان کا کہنا ہے کہ یہ قانون بچوں کے اغواء اور جبر و تشدد میں ملوث گینگ لیڈرز مافیا کو ٹارگٹ کرے گا، پیشہ ور بھکاری بنانے کیلئے بچوں اور خواتین پر ظلم کرنے والوں کو سخت سزائیں دی جائیں گی۔

مزید خبروں کیلئے وزٹ کریں