حکومتی بے حسی: بجلی صارفین پر 17 ارب 85 کروڑکامزیدبوجھ ڈالنے کی تیاری

اسلام  آباد :حکومت نے بجلی صارفین پر 17 ارب 85 کروڑ روپے کا بوجھ ڈالنے کی تیاری کرلی ۔ ڈسکوز نے کیپیسٹی چارجز اور ترسیل و تقسیم سمیت دیگر نقصانات عوام سے وصول کرنے کی اجازت مانگ لی ۔ ڈسکوز کی رواں مالی سال کی پہلی سہ ماہی ایڈجسٹمنٹ کے لیے درخواست دائر کر دی۔

ٹرانسمشن اینڈ ڈسٹری بیوشن لاسز کی مد میں 9 ارب 9 کروڑ روپے، کیپسٹی چارجز کی مد میں 5 ارب 73 کروڑ روپے جبکہ دیگر اخراجات کی مد میں ایک ارب 95 کروڑ روپے وصول کرنے کی اجازت مانگی گئی ہے۔ ڈسکو ز میں سے آئیسکو نے1 ارب 19 کروڑ ،لیسکو نے 2 ارب 69 کروڑ روپے سے زائد ، فیسکو نے 2 ارب 51 کروڑ جبکہ میپکو نے 4 ارب 22 کروڑ روپے وصول کرنے کی درخواست کی ہے ۔

 پیسکو نے 2 ارب 75 کروڑ، کیسکو نے 1 ارب 86 کروڑ روپے ، ٹیسکو نے 1ارب 36 کروڑ اور گیپکو کی 43 کروڑ 60 لاکھ روپے وصول کرنے کی درخواست کی ہے۔ نیپرا 12 جنوری کو درخواست کی سماعت کرے گا۔