کراچی میں جدید عدالتی نظام کا قیام اہم ہے:چیف جسٹس یحییٰ آفریدی

چیف جسٹس آف پاکستان جسٹس یحییٰ آفریدی نے کہا ہے کہ کراچی پاکستان کا معاشی حب ہے، یہاں جدید عدالتی نظام کا قیام نہایت اہم ہے۔ یہ بات انہوں نے ڈسٹرکٹ بار کراچی کے وفد سے ملاقات کے دوران کہی۔

عدالتی ڈھانچے کو مضبوط بنانے کا عزم

چیف جسٹس کا کہنا تھا کہ ضلعی عدالتیں عوام کو فوری انصاف کی فراہمی کا بنیادی ذریعہ ہیں۔ انہوں نے کراچی میں ضلعی عدلیہ اور قانونی ڈھانچے کو مضبوط بنانے کے عزم کا اعادہ کیا۔

ایڈیشنل ریزیڈنٹ سیکرٹریز کی تعیناتی کا عندیہ

چیف جسٹس نے اس موقع پر ہر صوبے میں ایڈیشنل ریزیڈنٹ سیکرٹری تعینات کرنے کا عندیہ بھی دیا تاکہ عدالتی نظام کو مؤثر بنایا جا سکے۔

ملاقات میں اہم شخصیات شریک

چیف جسٹس پاکستان سے ملاقات کرنے والوں میں ڈسٹرکٹ بار ایسوسی ایشن کے صدر عامر وڑائچ، عبدالرحمٰن کورائی اور لا اینڈ جسٹس کمیشن کے ایڈیشنل ریزیڈنٹ سیکرٹری سہیل مشوری شامل تھے۔