فواد کو دہشتگرد کی طرح پیش کیا، کوئی شک نہیں ہم بنانا ریپبلک میں رہ رہے ہیں، عمران خان

لاہور : سابق وزیراعظم عمران خان نے کہا ہے کہ فواد چودھری کی پیشی سے ظاہر ہوتا ہے امپورٹڈ حکومت اور ریاست کس حد تک پہنچ چکی۔

اپنے ٹویٹر بیان میں چیئرمین پی ٹی آئی عمران خان نے کہا کہ فواد چودھری کو ہتھکڑیاں لگا کر اور سر پر کپڑا ڈال کر عدالت میں پیش کیا گیا۔

سابق وزیراعظم عمران خان نے کہا کہ فواد چودھری کو عدالت میں ایک دہشت گرد کی طرح لے جایا گیا، فواد چودھری، اعظم سواتی اور شہبازگل کے ساتھ ایسا سلوک ہوا، لوگوں کو کوئی شک باقی نہیں رہا کہ ہم بنانا ری پبلک میں رہ رہے ہیں۔

Taking Fawad to court handcuffed & head/face covered like a terrorist shows the low & vindictive levels Imported govt & State have reached. The treatment of Fawad Ch & Azam Swati & Gill before him leaves no doubt in people’s mind that now we are a banana republic.

— Imran Khan (@ImranKhanPTI) January 28, 2023

عمران خان کا کہنا تھا کہ ملک میں اب جنگل کا قانون چلتا ہے، جس کی لاٹھی اس کی بھینس، موجودہ فرعونوں نے آئین و قانون کو روند کر رکھ دیا ہے۔