وفاقی وزیر داخلہ محسن نقوی کا پولیس کو خراج تحسین، خوارجی دہشت گردوں کا حملہ ناکام

وفاقی وزیر داخلہ محسن نقوی نے ڈیرہ غازی خان کے تھانہ واہوا کی جھنگی پولیس چوکی پر خوارجی دہشت گردوں کے حملے کو ناکام بنانے پر پنجاب پولیس کو شاندار خراج تحسین پیش کیا ہے۔

اپنے بیان میں وزیر داخلہ نے کہا کہ پنجاب پولیس کے دلیر جوانوں نے بہادری سے دہشت گردوں کا مقابلہ کیا اور جرات کے ساتھ حملے کو ناکام بنایا۔

محسن نقوی نے مزید کہا کہ پولیس اہلکاروں کی پیشہ ورانہ صلاحیتوں اور جرات پر انہیں فخر ہے، کیونکہ انہوں نے خوارجی دہشت گردوں کے مذموم عزائم کو ناکام بنا دیا۔

وزیر داخلہ نے کہا کہ پولیس کے جوان سیسہ پلائی دیوار بنے رہے اور جوانمردی سے حملہ پسپا کیا۔

وزیر داخلہ نے حملے کو ناکام بنانے والے پولیس جوانوں کو شاباش دی اور کہا کہ وہ اس کامیابی کے مستحق ہیں۔

محسن نقوی نے یہ بھی یاد دلایا کہ پنجاب پولیس کے بہادر سپوتوں نے اس سے قبل بھی دلیری کے ساتھ خوارجی دہشت گردوں کے حملوں کو پسپا کیا ہے۔

وزیر داخلہ نے اس عزم کا اعادہ کیا کہ ملک و قوم کے دشمنوں کے سامنے پولیس ہمیشہ سیسہ پلائی دیوار کی طرح کھڑی رہے گی اور ان کی کوششوں سے دہشت گردی کے خلاف جنگ مزید مضبوط ہوگی۔