وزیر خارجہ اسحاق ڈار برسلز میں پہلی نیوکلیئر انرجی سمٹ میں شرکت کریں گے: ترجمان دفتر خارجہ
وزیر خارجہ محمد اسحاق ڈار جمعرات 21 مارچ کو برسلز میں ہونے والی پہلی نیوکلیئر انرجی سمٹ میں شرکت کریں گے۔
دفتر خارجہ کی ترجمان کی جانب سے جاری بیان کے مطابق سربراہی اجلاس میں شرکت کے علاوہ وزیر خارجہ محمد اسحاق ڈار اجلاس میں شرکت کرنے والے ممالک کے رہنماؤں اور وزرائے خارجہ سے دو طرفہ ملاقاتیں کریں گے۔
سربراہی اجلاس میں وزیر خارجہ کی شرکت بین الاقوامی ایٹمی توانائی ایجنسی (آئی اے ای اے) کے ساتھ پاکستان کے تعاون کو مزید مضبوط بنانے اور جوہری توانائی کے پرامن استعمال کے بارے میں مشترکہ نقطہ نظر کو فروغ دینے میں معاون ثابت ہوگی۔
Comments are closed.